Gasolina, inaasahang may malaking dagdag-presyo sa susunod na linggo; diesel, may tapyas

Asahan ng mga motorista ang magkakaibang paggalaw sa presyo ng mga produktong petrolyo sa susunod na linggo.

Batay sa mga pagtataya na base sa Mean of Platts Singapore trading at average ng palitan ng piso kontra US dollar sa nakalipas na apat na araw, inihayag ng isang oil industry source ang posibleng pagbabago sa presyo ng mga produktong petrolyo:

• Gasoline — dagdag-presyo ng P2.90 hanggang P3.20 per liter
• Diesel — bawas-presyo ng P0.40 hanggang P0.60 per liter

Posible pa itong magbago batay sa magiging resulta ng kalakalan ngayong Biyernes.

“Diesel and gasoline closely followed the movement of crude oil, which continues to be supported by concerns about energy supply disruptions in the Middle East as regional attacks continue and worries the US could strike Iran after next week’s US midterm elections. However, hopes for a breakthrough in the diplomatic efforts to end the eight-month-long conflict helped pare oil’s further rise,” ayon sa source.

“Furthermore, improving fuel supply prospects helped unwind diesel and gasoline gains after China issued a fourth batch of fuel export quotas for gasoline, diesel and jet fuel. Offering additional relief to tight Asian and global markets is the easing by South Korea of its diesel export restrictions,” dagdag pa nito.

Tuwing Lunes inanunsiyo ng mga kompanya ng langis ang opisyal na pagbabago sa presyo ng mga produktong petrolyo, na ipinapatupad naman kinabukasan ng Martes.

Ngayong linggo, magkakaiba rin ang naging galaw sa presyo ng mga produktong petrolyo.

• Gasoline — bawas ng P0.30 per liter
• Diesel — dagdag ng P1.20 per liter
• Kerosene — dagdag ng P0.50 per liter