Video effect na apoy, lumabas habang nagdadasal si Cayetano; record ng video, pinatanggal ni Escudero

Pinatanggal ng Senate impeachment court ang livestream video record na may lumabas na transition effect na apoy sa isang bahagi ng isinagawang panalangin ni Senator Alan Peter Cayetano nitong Huwebes.
Inilabas ni Presiding Officer Francis "Chiz" Escudero ang utos sa ika-44 ng Senate impeachment trial kay Vice President Sara Duterte, ilang oras matapos maganap ang insidente.
"I would like to instruct the Clerk of Court to kindly instruct the PRIB to be mindful or careful, with respect to the transition effects," sabi ni Escudero, na tinutukoy ang Public Relations and Information Bureau ng Senado.
Dagdag ni Escudero, "The flames are not well taken and inappropriate to these proceedings... Remove and edit it out from the records of the impeachment court."
Lumabas ang apoy sa screen habang nagdarasal si Cayetano tungkol sa integridad ng Senado, na nagsisilbing impeachment court sa paglilitis.
"As we humble ourselves to you today, we ask that we learn to look at ourselves first, our institutions, our intentions. Lord, again, we ask that you make the evidence so, so, so clear [...] Make it very clear whether a conviction is in order or an acquittal," sabi ni Cayetano, nang lumabas ang apoy sa screen.
𝗕𝗔𝗞𝗜𝗧 𝗠𝗔𝗬 𝗔𝗣𝗢𝗬? Senate PRIB, wala pang paliwanag sa apoy na lumabas sa video feed habang nagdarasal si Senator-judge Alan Peter Cayetano; Cayetano, wala pa ring pahayag. | via @nimfaravelo https://t.co/L8iq26UoO1
— DZBB Super Radyo (@dzbb) November 19, 2026
Tila may glitch ang video feed nang lumabas ang transition effect.
Samantala, humingi na ng paumanhin ang Senate PRIB kaugnay ng "accidental transition effect," na sinabing dulot ito ng "unexpected technical issue."
Inaasahan ang apat na saksi na ihaharap sa ikalawang linggo ng paglalahad ng defense team ni Vice President Sara Duterte ng ebidensya na tetestigo sa katayuan ng Cale88 Foods Corporation, isang idineklarang asset ng asawa ng pangalawang pangulo na si Atty. Manases Carpio. – Jamil Santos/FRJ GMA News
KioskNews shows a cleaned-up reading view extracted from the publisher’s page — the original always lives on their site, not ours.