Mga Pinoy sa Thailand, pinag-iingat sa malakas na pag-ulan doon

Pinayuhan ng Philippine Embassy sa Thailand ang mga Pilipino doon na mag-ingat at manatiling alerto sa mga update sa lagay ng panahon. Bunga ito ng malakas na pag-ulan na naranasan sa Bangkok at 70 lalawigan noong Sabado.

Sa ulat ng GTV News Balitanghali nitong Lunes, sinabing idineklara ng Metropolitan Administration of Bangkok na disaster affected area ang lugar dahil sa matinding pinsala na naranasan doon dulot ng matinding pag-ulan at pagbaha.

“The Philippine Embassy in Bangkok informs the Filipino community in Thailand that the Thai Meteorological Department (TMD) and the Office of the National Water Resources (ONWR) have issued weather warnings for heavy rainfall, flash floods, forest run-offs, and landslides affecting Bangkok and 70 provinces across the country through 27 September 2026,” saad naman sa anunsyo ng embahada.

“In light of these conditions, the Embassy advises Filipinos in Thailand to exercise vigilance and monitor the announcements from the local Thai authorities,” dagdag nito.

Pinayuhan din ng Philippine Embassy sa Thailand ang mga Pilipinong nangangailangan ng tulong na makipag-ugnayan sa alinman sa mga sumusunod na hotline at communication channel:

Embassy Assistance-to-Nationals (ATN) hotline:
(+66) 81 989 7116
(May WhatsApp at Viber)

LINE account: bangkokpe.consular

Embassy ATN email: bangkokpe.atn@dfa.gov.ph

Migrant Workers Office – Bangkok, Thailand ATN hotline:
(+66) 83 137 6167
(May LINE, WhatsApp at Viber)