Magnitude 5.6 na lindol, tumama sa karagatan ng Davao Occidental

Niyanig ng magnitude 5.6 na lindol ang ilang bahagi ng Mindanao nitong Huwebes ng hapon, ayon sa Philippine Institute of Volcanology and Seismology (PHIVOLCS).

Tumama ang lindol dakong 4:07 pm, na unang naitala na magnitude 6.5. Nasa 42 kilometro ito sa timog-kanluran ng Balut Island sa Sarangani, Davao Occidental, at nagmula sa lalim na 10 kilometro.

The agency said the earthquake was an aftershock of the magnitude 7.8 offshore Sarangani and magnitude 6.5 offshore Davao Occidental earthquakes in June 2026.

Ayon sa ahensya, ang pagyanig ay aftershock pa rin ng magnitude 7.8 na lindol sa karagatan ng Sarangani at magnitude 6.5 na lindol sa karagatan ng Davao Occidental na tumama noong Hunyo 2026.

Narito ang mga naitalang instrumental intensity ng lindol nitong Huwebes:

• Intensity V - Kiamba Sarangani; City of General Santos
• Intensity IV - Alabel, Glan, Maasim, Malapatan, and Malungon, Sarangani; Lake Sebu, Polomolok, T'Boli, and Tupi, South Cotabato
• Intensity III - Antipas, City of Kidapawan, and Matalam, Cotabato; Maitum, Sarangani; Banga, City of Koronadal, and Tampakan, South Cotabato; Kalamansig, and Lebak, Sultan Kudarat
• Intensity II - City of Zamboanga; Davao City; M'lang, Cotabato; Norala, Santo Niño, Surallah, and Tantangan, South Cotabato; Bagumbayan, Columbio, Esperanza, Lambayong, President Quirino, Senator Ninoy Aquino, at Tacurong City, Sultan Kudarat.

Ayon sa PHIVOLCS, bagaman inaasahan ang mga aftershocks, hindi naman inaasahan na magdudulot ng pinsala ang naganap na lindol.

Sa isang post sa Facebook, inanunsyo ng pamahalaang lungsod ng General Santos ang suspensiyon ng klase sa lahat ng antas sa mga pampubliko at pribadong paaralan “hanggang sa susunod na abiso.”

Sinuspinde rin ang trabaho sa lahat ng tanggapan ng pamahalaan sa lungsod upang bigyang-daan ang structural inspection at safety assessment ng mga awtoridad matapos ang lindol, ayon sa lokal na pamahalaan. – FRJ GMA News