Presyo ng diesel, tataas muli sa susunod na linggo; gasolina, may tapyas ulit

Asahan ng mga motorista ang panibagong pagtaas sa presyo ng diesel sa susunod na linggo, habang mababawasan naman muli ang halaga ng gasolina.

Batay sa mga pagtataya sa galaw ng kalakalan sa Mean of Platts Singapore at average sa palitan ng piso kontra US dollar sa nakalipas na apat na araw, inaasahan ng oil industry source ang magiging pagbabago sa presyo ng langis sa linggo na:

• Dagdag na P1.50 hanggang P2.50 bawat litro sa diesel
• Bawas ng P1.00 hanggang P1.50 bawat litro sa gasolina

Inaanunsyo ng mga lokal na kompanya ng langis tuwing ang magiging galaw sa presyo ng mga produktong petrolyo, at ipatutupad sa susunod na araw ng Martes.

Nitong nakaraang Martes, umabot sa P4 ang nabawas sa presyo sa bawat litro ng gasolina, habang tumaas naman sa mahigit P2 bawat litro ang halaga ng diesel.

Ayon sa source, hindi pa kasama sa mga pagtatayang ito ang lingguhang pagbabago sa singil sa kargamento.

“Oil advanced after intensifying Houthi attacks on Saudi infrastructure and vessel attacks in the Gulf heightened concerns that the escalating hostilities could hit supply. Loadings outside of the Arab Gulf are now threatened as well, jeopardizing Gulf crude loadings and ship-to-ship transfers that helped support regional loadings,” paliwanag ng source.

Dagdag pa nito na lalo ring nagpapalala sa pangamba ng merkado ang posibilidad na lumubha ang tensyon matapos ang midterm elections sa Amerika.

Iniulat din na nagtulak sa mas mataas na presyo ng mga produktong petrolyo, partikular ng diesel, ang pagbaba ng daloy ng langis mula sa Gulf at ang tumitinding pag-atake ng Ukraine sa mga refinery ng Russia.

“While the prospect of additional Russian diesel supply, after the US decision to temporarily waive key Russia-related US sanctions and tariffs, and emergency stock releases that temporarily helped moderate prices have offered relief, rising geopolitical risk has offset the available supply sources and lifted prices,” ayon sa source.

Samantala, ipinakita ng pagtaas ng imbentaryo ng gasolina sa Singapore na bumubuti ang pagkakaroon ng suplay ng produktong petrolyo sa Asya.

“The continuing tightness in diesel has encouraged refiners to maintain crude processing rates, potentially sustaining gasoline supply even as demand weakens,” dagdagnito. —FRJ GMA News